Soil testing.
Tērā pea ka whakakotahi ai koe me tō oneone.
He ratonga utu kore tēnei mō Aotearoa whānui e hiahia nei ki te mōhio ki ngā āhuatanga konumatā me ētahi atu konganuku kei te oneone me te māra. Tēnā tukuna mai āu tauira, ka whakamātauria e mātou, ā, ka whakahokia atu he pūrongo e pā ana ki ngā konganuku kei tōu oneone. Kei raro nei ngā whakamārama mō te kohi me te tuku mai i ngā tauira..
Ngā kōrero ake mō te whakamātautanga oneone kore utu a Soilsafe Aoteroa
Ka whakaaro rānei koe ki ngā konganuku kei tō oneone? He mea nui ngā oneone kei tō kāinga mō ngā mahi pārekareka, mahi māra, te whakatipu kai, me te tiaki hoki i te whenua ki tōu takiwā. He nui ngā konganuku me te huhua hoki o ngā pūmotu, ngā kohuke me ngā taiora kei te oneone. He āhuatanga nō te taiao, ka mutu, he mea whakahirahira ēnei mea ki te painga o tōu oneone. Mā tō whai wāhi mai ki tēnei kaupapa, ka kite koe i ētahi o ngā taumata konganuku kei tōu oneone e harikoa ai koe i ōu mahinga māra.
Me pēhea te tuku mai i ōu tauira oneone.
He māmā noa te kohi mai i ō tauira. Tirohia ngā pārongo āwhina kei raro nei mō te kohinga me te pōkaitanga o ngā tauira, ā, me te tukunga mai kia whakamātauria. Mēnā e hiahia ana koe i ētahi tautoko, ā, he pātai rānei āu, tēnā koa whakapā mai. Mō te pepa pārongo me ngā paearu whakaaetanga, pāwhiria a raro nei (ka whai wā koe ki te pānui me te tuku mai i tō whakaaetanga ki ngā tikanga whakaae, kei te puka tuku oneone).
Kaupae 1.
Whakaurua tō īmēra ki te taha matau o te puka e whiwhi ai koe te īmēra whakaū me tō Tautuhi motuhake. Ki te kore tēnei e tae ki a koe, tēnā tirohia te kōnae parahanga, ki ētahi atu kōnae rānei. Mēnā ka raru tonu koe, tēnā tirohia te pepa pukameka (FAQs) kei raro iho o te whārangi, ā, whakapā mai rānei ki a mātou ki konei.
E kore mātou e whakamahi i tō īmēra inā hiahia ai mātou ki te tuku i tō hononga whakaūnga mō tō hononga Tautuhi i tēnei wāhanga o te tukanga.
Kaupae 2.
Whakamahia te pikitia hei tautohu kia 5 ngā wāhangas tauira kei tō kāinga. Ka āhei koe te whakarerekē ake i ngā wāhanga i runga i te āhua o tō kāinga, ā, mēnā e hiahia ana, tāpiritia he tauira
Kaupae 3.
Whakaingoatia tētahi pēke pākati mō ia wāhanga ki ngā pārongo e whai nei:
– Te tautuhi ahurei ka tukuna ki tō īmēra whakaū, ā, whāia mai ko te reta o te tauira kua tohua ki taua wāhi (A, B, C, D, E).
– Te ingoa o te wāhi i kohia mai te tauira (hei tauira, ki mua i te whare, ki te māra kai rānei).
– Te rā i kohia. .
Me whakaingoatia tō pēke kia ōrite ki te pikitia. Tēnā koa whakamahia ngā pēke parakore, kei tīmata hoki te pirau haere i mua i te whakamātautanga.
Kaupae 4.
Kohia mai ngā tauira mā tētahi tāora, mā tētahi atu taputapu rānei, kia ōrite te kohinga oneone ki tētahi pōro kirikiti ki ia wāhanga. Me ngana ki te kohi mai i te wāhanga oneone 5-10 henemita o runga ake. Pēketia ngā tauira oneone ki ō rātou ake wāhanga, ka tākaitia kia kikī tonu.
Tēnā koa tuaruatia ngā pēke o āu tauira.
Kaupae 5.
Whakakīhia mai te rārangi pātai mō te oneone te kāinga mā te pāwhiri i te pātene kei tō īmēra whakaū. Ki konei whakamōhio mai ai mō ētahi atu taipitopito e pā ana ki ngā tauira kua kohia, me ētahi atu pārongo e hāngai ana ki tō kāinga tonu.
Kaupae 6.
Takupetia ō tauira katoa, ka tukuna mā tētahi pēke mēra, ki te wāhi kāinga kei raro nei:
Soilsafe Aotearoa
c/o School of Environment
Private Bag 92019
Auckland, 1142
Mēnā kua tukuna atu, kua pai tō tatari atu ki ōu putanga! Kei raro nei te roanga atu o ngā kōrero mō te taenga o ōu putanga ki a koe. Mēnā he mea nui ki a koe te whakahokinga o ōu oneone ki a koe, mā mātou tēnei e whakarite.
Ngā Tapanga
Me maumahara, kaua e whenumi i ō tauira mā te tapa i ngā pēke pākati i te tuatahi, inā rā, ia koe e mahi ana i tāu mahi.
Ngā Kohinga Oneone
Me mahi nui koe ki te tango mai i ngā hua parakore pērā ki ngā pakiaka me ngā peka rākau mai i ngā tauira oneone.
Kōrahinga o ngā Tauira
Kia nui tonu tō kohikohi haere i te oneone mō ngā tauira. Kohia tō tauira mai i runga ake o te whenua, 5 henemita te hōhonu.
Oneone Iāri
Ka taea e koe te tango mai i te wāhanga o runga i te pātītī; mā te hō ka māmā noa iho rā te kohi haere i te oneone mai i tō iāri.
Ngā putanga mō āu tauira oneone.
I roto i te 8 wiki o tō tuku mai i ō oneone, ka tukuna e mātou tētahi pūrongo ki a koe e whakaatu ana i ngā taumata konganuku kei roto i tō oneone. Ka tukuna atu hoki he hononga ki ētahi rauwmi āwhina, me ngā tohutohu mai a te Kāwanatanga e pā ana ki ngā konganuku kei te oneone kia mārama ai koe ki ngā taumata kei tō māra. Mā ō putanga mō āu whakamātautanga koe e mārama ake ai ki tō māra, me te tautoko hoki i a Aotearoa mā roto i ngā mahi whakamātau i ngā konganuku ki ngā oneone puta noa i te motu.
Ētahi pātai ka tōwaitia.
Q: Ia hia nei te nui o te oneone me tukuna atu?
A: Ko te tauira pai tonu (mō ia tauira), kia rite nei nui ki te pōro kirikiti. Kā māmā noa iho te uru ki tētahi pēke pākati. Mēnā he pēke pākati iti āu, tōna tikanga ka hāwhe no ate whakakīnga o te pēke.
Q: Pēhea nei te roa o ngā mahi whakamātautanga oneone a Soilsafe Aotearoa?
A: Ka whai mātou kia wawe tonu te oti (8 wiki) mō te hunga whai wāhi mai.
Q: Me tukuna aku tauira oneone ki hea?
A: Ka taea te tuku ki Te Pū Ao: Soilsafe Aotearoa, c/o School of Environment, Private Bag 92019, Auckland 1142.
Q: He aha te tauira hawai?
A: Ko te hawai te wāhi e pā ai te wai o te tuanui ki te oneone. He wāhi pai tonu tēnei hei whakamātau nā te mea koinei te wāhi kitea ai te kongamatā me ētahi atu konganuku ki tētahi wāhi nunui, papatahi rānei (arā, ki tō tuanui).
Q: Kei te hāngai tonu aku putanga?
A: Tirohia tā mātou mahere mapi ki Map My Environment. He rauemi whakamahere mapi tēnei e taea ai koe te arotahi ki tāu tōu rohenga ki te whakataurite haere i ngā kohinga pūmotu pūehuehu. Ko ngā raraunga e kite nā koe nō Soilsafe Aotearoa, VegeSafe Australia me DustSafe hoki (ko ētahi iratau kua tāpara noatia, he wāhi rāhui ēnei). Mēnā kāore he raraunga kei tō rohenga, ā kāti, ko koe tonu hei tuatahi, tukuna mai he tauira!
Q: Kāore noa iho taku wāhi noho e tino tawhiti, ka taea e au te whakataka noa i aku tauira?
A: ā runga i ngā whakararu a te KŌWHEORI-19, e tono nei mātou kia tukua mai ngā tauira mā te pouaka poutāpeta. E whakapāha nei mātou mō ēnei tūraru.
Q: Me pēhea e riro mai i a au aku putanga?
A: A tukuna ā-īmēra atu ngā putanga ki a koe. Tirohia anō tō urunga para, ka tatū ngā īmēra ki reira i ētahi wā. Mēnā ka eke te 8 wiki, ā, kāore anō kia tae ki a koe, tēnā whakapā mai.
Q: Ko ēhea o ngā konganuku e whakamātauria ana e koutou?
A: E whakamātau ana mātou i te ahiniki, konuhirimā, konukita, konukura, konupango, konumatā, konukōreko me te konutea.
Q: He rahi ōku kāinga, ka taea e au te tuku kia 5 ngā tauira mō ia kāinga?
A: Āe rā! Ka taea te tuku tauira mai mō ngā kāinga maha, heoi, kaua e wareware, me waihangatia he Tautuhi Motuhake mō ia kāinga. Ka tāea mā te tārua i tō īmēra ki te whārangai Whakamātau Oneone.
Q: Ka whakamātauria rānei te ine-pH ki te titiro mō ngā taiora pērā ki te hauota me te pūtūtaiwhetū?
A: Karekau, ki konei ki Soilsafe Aotearoa, ko tā mātou noa he whakamātau i ngā konganuku nō te mea kei waho kē atu te whakamātautanga i ngā ine-pH i te tirohanga o tā mātou kaupapa. Heoi anō, mēnā koe ki te hiahia whakawhānui i ōu mōhio ki ēnei tūmomo āhuatanga ki tāu ake papa oneone, kei ngā toa taputapu mārō me ngā toa ahu māra ngā taputapu tika e taea ai koe te mahi i ēnei mahi i te kāinga.
Q: Me maroke rānei āku tauira oneone?
A: Āe, ka pai kē atu mēnā kei te maroke ngā tauira, kia tōtika ai ngā putanga ka hua mai.
Q: Ko wai e whai mai ana ki aku whakautu, ā, ka tukuna tūmatanuitia ngā pārongo?
A: Kia uru rā anō ngā putanga mō āu tauira oneone ki Map My Environment, ka matapōkere noa te nekehanga atu i ngā wā e whakaurua atu ai ki Map My Environment kia noho tapu tonu ai ngā tauira. Ko tā te mapi he whakaatu noa i te ahungaroa o ngā tauira mokowā mō ngā taumata konganuku kei ngā oneone, ka mutu, kāore ngā wāhi me ngā nōhanga kāinga e whakaaturia mai. Ko ngā pārongo mōu ka noho matatapu ki tēnei kaupapa rangahau. Iti noa iho te hunga kairangahau ka whai wāhi atu ki ō takotoranga kōrero, ka noho wehe mai hoki tō tuakiri i ngā raraunga inā rīkoatahia. Ko ngā raraunga matihiko katoa ka manaakitia e tētahi rorohiko mau kupu huna ki tētahi rūma ki Waipapa Taumata Rau. Ka tāruatia ngā raraunga kanorau, ka whakairia ki tētahi tūmau ki Waipapa Taumata Rau. Ka aratakina te whakaputanga o ngā rongorongo kōrero ki tētahi ara e kore rawa nei te hunga whai wāhi e tautohua. Ko te whakaaro a Soilsafe Aotearoa, kia whenumitia te whakamahinga o ngā raraunga mō ngā whakaputanga rangahau, ngā tuhinga roa, ngā whakaaturanga hui taumata, tae noa ki te whanaketanga ake o ētahi kaupapa rangahau hei ngā rā ki tua.
Q: How do you analyse my soil sample?
A: Your soil arrives in the post and is delivered to the GNS Science chemistry lab. Here, a technician sorts your various soils and measures each one using a technique called X-ray fluorescence spectroscopy – or XRF for short. See below for more about the XRF technique. The results of the measurement come up on the screen of the attached computer, showing the levels of metals in your soil. We export this data into an individualised report that then gets emailed to you. The whole process takes approximately 20 minutes altogether.
Q: What is X-ray fluorescence spectroscopy (XRF)?
A: A technique in which the characteristic X-ray spectrum of your soil is produced by using X-rays of short wavelength from a X-ray source. This induces your soil to fluoresce and emit secondary X-rays of a longer wavelength. Each metal emits unique secondary X-rays meaning the metal type and the metal concentration in your soil can be measured. The photons generated by this process are collected in the instrument detector, before the information is passed through a digital signal processor to the computer. The concentration of each metal in your soil is determined by comparison against standards using a software package.